‘Măng năm hơmang hơmŏ pơm hơtŏk loi dơ̆ng tơgoăt tơgoăl dih băl, pơjing hơyak vă ba tơdrong tơgoăt tơgoăl atŏk tơ iung kơtang hloh dơ̆ng. ‘Măng năm tơmang đơ̆ng Thủ tướng Christopher Luxon ‘măng mă ou jing jơ ‘năr kăl hloh vă ƀar păh lăng dơ̆ng jăl trong jang hơdoi tơgoăt tơgoăl păng jang hơdoi gĭt kăl khei năr ou ki, vă atŭm dih băl pơchoh trong ăn tơgoăt tơgoăl ƀar teh đak lơ̆m khei năr truh ou kơnh. ‘Nou jĭ ‘măng mă tơmang blŭng a đơ̆ng Thủ tướng Christopher Luxon truh tơ̆ Việt Nam jô̆ đơ̆ng mă ƀok tŏk chĕp pơgơ̆r teh đak New Zealand, hăm trong lăng kăl tơgoăt tơgoăl ‘nao ‘noh atŏk kơtang tơgoăt tơgoăl hăm ASEAN păng rim teh đak Đông Nam Á, lơ̆m ou đei Việt Nam ‘noh mĭnh lơ̆m dôm teh đak jang hơdoi kăl hloh.  Lơ̆m ‘măng năm tơmang, Thủ tướng Christopher Luxon gô đei pơma dơnuh kơtă hăm Thủ tướng Teh đak Phạm Minh Chính, truh kuh ka hla bat hăm kơdră chĕp pơgơ̆r Đảng, Teh đak păng Kuô̆k hô̆i păng năm tơmang mĭnh ƀar hơnih jang muk drăm, jŏh ayŏ, pơtho pơhrăm tơ̆ Hà Nội păng pơlei tơm HCM.