Pơma ah hop akŏm, Thủ tướng ră hơdah, Hop akŏm Kŏng an jơ̆p teh đak sơnăm âu 'noh kăp gĭt tơpă, jĭ gru kơnăl sơkơ̆t 80 sơnăm tơ-iung pơjing, vơ̆ pran păng hơtŏk pran kơtang kơ khul Kŏng an Kon pơlei. Sơnăm 2025 gô đei lơ tơdrong jang tơnap tap hloh, sơnong jang trăp trĭn hloh, athei hơtŏk jang đei jơnei dôm tơchơ̆t jang kơ teh đak gah vei sơđơ̆ng tơpôl păng jang mŭk drăm kơ tôm jăl jang; athei jang kiơ̆ pơkăp anih jang mă bot 'lơ̆ng; pơgơ̆r keh đang tơdrong hop akŏm dôm anih jang đảng dôm jăl vă pơkăp Hop akŏm Đảng jơ̆p teh đak 'măng 14; vei sơđơ̆ng dôm năr lêh tih kơ teh đak; pơm trong hơtŏk tơ-iung kơ teh đak tŏk đei 2 kơsô̆ lơ̆m sơnăm 2025.

Thủ tướng ră hơdah, Khul Kŏng an athei pơm jang hăm hơnăn  "Yuk hơlâu, hơtŏk pran pơm kiơ̆ dôm tơchơ̆t tơlĕch đơ̆ng Đảng, khôi luơ̆t teh đak, pơjing khul Kŏng an kon pơlei tơpă hlăng kơjăp, pran kơtang, hơbĕch hơbal, gơh hơgei kiơ̆ trong jang 'nao".