‘Măng bơ̆jang đei tơdrong ‘lơ̆ng gĭt kăl, hơnơ̆ng tơƀôh hơdăh trong jang tơbôl hiôk hian, pơm tơ ‘ngla kơdih, lơ trong, kơchăng, hơdrin mơ̆t jang hơdai hăm apŭng plĕnh teh tôm tơdrong, jrŭ să păng đei yua đơ̆ng Việt Nam, tơgop pơm ‘lơ̆ng gĭt kăl tơdrong pơvei đơ̆ng teh đak bơ̆n hăm dôm teh đak jang hơdai gĭt kăl, hơtŏk ‘lơ̆ng hloh dơ̆ng anih dơ̆ng, hơnăp jang păng tơgop jang tơnăp đơ̆ng Việt Nam, tơroi nơ̆r pơma găh đon hơdrin, hơ pơi ‘meh hơtŏk tơiung đơ̆ng hơdrĕch hơdrŭng, sơng đei tôch ai rim kon jên apŭng plĕnh teh pơyua ăn dôm tơdrong jang hơtŏk tơiung teh đak.

‘Măng năm ngôi tơ̆ Ba Lan, Czech păng bơ̆jang tơ̆ Thụy Sĩ jing tơdrong hiôk gĭt kăl vă Việt Nam pơtrŭt jang hơdai jrŭ să hloh hăm dôm teh đak kŭm nhen tơring Trung Đông Âu păng EU, hơtŏk hơnăp jang pơm gơng tơƀưh đơ̆ng Ba Lan, Czech hăm ASEAN, hơtŏk loi dơ̆ng jang hơdai hơmet pơ ‘lơ̆ng dôm tơdrong tơring păng jơ̆p plei teh, tơgop ăn tơdrong rơngei, sơđơ̆ng, jang hơdai păng hơtŏk tơiung kơjăp tơ̆ rim tơring păng lơ̆m apŭng plĕnh teh.