Thủ tướng Phạm Minh Chính pơgơ̆r dah tơtenh ming man jăl trong dơnơm tơ̆ Lạng Sơn păng Cao Bằng
Thứ hai, 14:33, 03/02/2025
Lan chih tơblơ̆
Lan chih tơblơ̆
VOV4.Bahnar – Kơsơ̆ năr 2/2 (năr 5 Têt), tơ̆ Lạng Sơn, lơ̆m tơdrong chơt hơ-iă Tơbăt 95 sơnăm năr tơ-iung pơjing Đảng Cộng sản Việt Nam (3/2), jơ̆p teh đak sô̆ Puih mak Ất Tỵ, Thủ tướng Phạm Minh Chính pơgơ̆r tơdrong hop akŏm hăm dôm anih jang tơm, rim tơring gah tơdrong hơtŏk tenh ming man jăl trong dơnơm Đồng Đăng (Lạng Sơn)-Trà Lĩnh (Cao Bằng) păng 'Măng sơlam Hữu Nghị-Chi Lăng.
Thủ tướng hlôi pơdơh jơ̆ng ah 4 anih ming man 2 tơdrong jang âu, hơlêm, asong tơmam Têt ăn kang ƀô̆, bơngai jang tơ̆ anih ming man. Sơkơ̆t hơdah keh đang 2 jăl trong dơnơm âu lơ̆m sơnăm 2025 vă tơgop hiôk hian hloh ăn trong nơnăm dơnơm đơ̆ng Cao Bằng truh Cà Mau lơ̆m sơnăm âu, Thủ tướng bơnê kơ tơdrong hăt hot pơm jang lơ̆m Têt tơ̆ 2 anih ming man âu.
Thủ tướng bơnê păng pơgơ̆r dôm tơ-'ngla asong jang athei hơdrin, găn hloh tơnap tap vă akŏm bơngai jang, kơmăi kơmŏk pơm jang; hơtŏk iŏk yua Khua hŏk kŏng ngê̆, tơplih 'nao gơh hơgei; vei sơđơ̆ng ăn tơdrong ming man gơh 'lơ̆ng sơđơ̆ng păng tenh kuăng.
Viết bình luận