Hop akŏm Mŭk drăm Châu Á - Thái Bình Dương (APEC) sơnăm 2027 hăm hơnăn “Tơgoăt, pơjing dôm anih jang mŭk drăm hơdai păng tŏk kơdih” gô jing tơdrong tơm gĭt kăl, tơƀôh anih dơ̆ng đơ̆ng Việt Nam lơ̆m tơring. Tơdrong sơng iŏk rơbâu ‘nu bơngai tang măt, kơdră chĕp kơ̆l kơpal păng bơngai mơdro sa đơ̆ng 21 teh đak jang mŭk drăm jang lơ̆m APEC tơgŭm Phú Quốc jing hơnih tơm kơ dôm ‘măng kĭ pơkăp tĕch mơdro, pơjing tơdrong pơvei jang hơdai đơ̆ng dôm teh đak jang mŭk drăm tih.

Đơ̆ng rŏng kơ mơ̆ng dôm nơ̆r tơgop pơma, Thủ tướng athei dêh char Kiên Giang athei hơmet ‘lơ̆ng jơ năr, tơdrong jang, jơhngơ̆m đon ‘noh jĭ athei băt hơdăh găh tơdrong đơ̆ng dôm tơdrong jang ‘noh pơyua ăn APEC. Thủ tướng pơjao hơnăp jang ăn Phŏ Thủ tướng Bùi Thanh Sơn vei lăng tơdrong păng bơ̆jang pơgơ̆r hop akŏm; Phŏ Thủ tướng Nguyễn Chí Dũng vei lăng tơchĕng hơlen tơmơ̆t jên jang pơm anih jang kăl; Phŏ Thủ tướng Trần Hồng Hà vei lăng tơdrong ƀơm truh tơplih tơdrong iŏk yua bri, teh ƀa.