Hmach chơt hơiă kơ kon pơlei ‘nao sơng Tết Ất Tỵ 2025 chơt hơiă, ‘nă hal, ƀĕnh tơdrong ‘mêm, sơđơ̆ng, hiôk hian “lăm tơnŏ, ‘ngoăih hiôk” rim hnam đei têt, jơ̆p lơ̆m teh đak đei Têt, Thủ tướng hơlen lăng, tơdrong pơgơ̆r hơmet ăn, sơng têt vei sơđơ̆ng hiôk chơt, ‘mơ ‘met, ƀĕnh tơdrong ‘mêm, kon pơlei hiôk, sơđơ̆ng, rim hnam đei Têt ngăl, jang đei dôm tơdrong hơgăt tơlĕch ăn kiơ̆ pơgơ̆r đơ̆ng Ban Bí thư păng Khŭl kơdră teh đak, Thủ tướng teh đak; pơm tơdrong hiôk hơiă, ‘nă hal, tưk tơiung jơhngơ̆m ‘lơ̆ng đơ̆ng pơđĭ hơdrĕch hơdrŭng yak mơ̆t lơ̆m sơnăm 2025.

Thủ tướng teh đak roi tơbăt, truh âu kơnh Đảng bộ Khŭl kơdră teh đak gô pơgơ̆r hop akŏm mă blŭng, athei dôm anih tơm, anih jang, tơring bơ̆jang kiơ̆ tơpăt 13 grŭp hơnăp jang tơm păng 67 hơnăp jang hơdăh ăn kơ dôm anih tơm, anih jang, tơring akŏm tơlĕch jang hloi đơ̆ng rŏng kơ Têt; hơnơ̆ng pơtrŭt tơmơ̆t jên jang teh đak, mă loi ‘noh jĭ dôm tơdrong jang gĭt kăl kơ teh đak, dôm tơdrong tơm teh đak; kơtang, đei yua tơdrong jang proh hơmet, pơm tŏ sĕt bơngai jang; bơngơ̆t truh jang kiơ̆ dôm trong jang vei sơđơ̆ng mưh bơ̆jang; bơ̆jang kiơ̆ ‘lơ̆ng tơdrong jang tơgŭm vei sơđơ̆ng tơdrong arih sa tơpôl, pơtrŭt pran kơtang dôm tơdrong jang pơm tơlĕch tĕch mơdro, pơm tơdrong jang ăn kơ kon pơlei, hơdrin jang đei tơdrong hơgăt jang tŏk sơnăm 2025 đơ̆ng 8% tơ̆ kơpal...