Pơma tơ̆ jơ pơma đam, Thủ tướng Phạm Minh Chính bơnê tơdrong roi tơƀôh tôch tơpăt đơ̆ng dôm anih tĕch mơdro Trung Quốc, tơƀôh hơdăh đon jang tơnăp, tơpăt ‘lơ̆ng đơ̆ng anih jang xa tĕch mơdro trŏ ƀlep, gơ̆h hơgei.

Thủ tướng hơpơi ‘mĕh dôm anih tĕch mơdro Trung Quốc pơm ăn Việt Nam jing anih jang xa tơm, vang tơgop tưk tơiung mŭk drăm kơsô̆, mŭk drăm rơgŏh, muk drăm tơguăt hơdai, jang tŏk hrĕnh păng pran kơjăp; tĕch mơdro tơpăt ‘lơ̆ng, trŏ luơ̆t, kiơ̆ jơhngâm đon chă mơ̆ng lăng nơ̆r pơma đơ̆ng băl, roi tơƀôh trong vă jang, adrin tơplih ‘nao kơmăy kơmŏk ăn Việt Nam, tơgŭm ăn Việt Nam đơ̆ng anih tĕch mơdro iĕ tŏk jing anih tĕch mơdro tih, gơ̆h jang hăm kơmăy kơmŏk ‘nao, vang jang kiơ̆ trong pơtruh tơmam jơ̆p plei teh. Thủ tướng hơpơi ‘mĕh dôm anih tĕch mơdro Trung Quốc tơgŭm ăn Việt Nam kiơ̆ trong đei yoa hơdai, ưh pŭn ai klaih song băl, tơgăl hăm tơdrong pơvei đơ̆ng 2 teh đak.