Tơ̆ jơ pơma đam, tang măt ăn anih jang mŭk drăm păng jơnŭm jang ASEAN bơnê kơ tơdrong hiôk hian asong jang tơ̆ Việt Nam, lăng ou jĭ anih truh 'lơ̆ng hloh; atŭm hăm noh pơtruh lơ nơ̆r tơrĕk hăm hla bar hanh chinh, thuê̆, kơjă unh hơyuh păng tĕch pơdro điê̆n tưh. Kơdră kơ dôm anih jang tơm kơ Việt Nam hlôi tơblang hơdah dôm tơdrong pơtruh đơ̆ng anih jang mŭk drăm. Pơtruh nơ̆r ah pơma đam, Thủ tướng ră hơdah tơdrong tơbôl Việt Nam - ASEAN jĭ tơdrong bơ̆ng pang ăn tơguăt tơguăl, jang hadoi lơ̆m tơring đei jơnei keh kong. Việt Nam lăng ASEAN 'noh anih asong jang dơnơm hloh păng pơkăp pơjing Tơpôl ASEAN kơjăp pran kơtang.

Thủ tướng hơpơi 'meh rim anih jang mŭk drăm ASEAN pơih să hơtŏk asong jang tĕch pơdro, pơtho gah kơmăi kơmŏk 'nao, tơgop vă chih keh đang tơchơ̆t, tơgop pơtho bơngai jang hơgei 'lơ̆ng, hơdrin đei dôm tơdrong jang hadoi mŭk drăm đei um pơtih đơ̆ng Việt Nam păng rim teh đak ASEAN. Lơ̆m noh, athei hơtŏk jang mŭk drăm, hơtŏk ming man anih jang 'lơ̆ng, jang unh hơyuh păng tơjră hăm tŏ 'mi kial tơplih.