Tang măt Khŭl kơdră teh đak, Thủ tướng pôk pơ ư, lăng ‘lơ̆ng jơnei bơ̆jang đơ̆ng anih mong jên lơ̆m sơnăm âu ki.

Pơma hơdăh, sơnăm 2025, đei tơdrong ‘lơ̆ng gĭt kăl, hăm lơ hơnăp jang gĭt kăl: tŏk hrĕnh, jang đang dôm tơdrong hơgăt hơtŏk tơiung mŭk drăm tơpôl jăl jang 2021-2025, Thủ tướng athei anih mong jên tŭn pran iŏk yua khoa hŏk kơmăy kơmŏk, tơplih kơsô̆, tơ jur jên pơhoach vă tơ jur jên cheh ăn tŏk iŏk; akŏm asong tŏk iŏk jên ăn dôm tơdrong jang tơgŭm hơdrol nhen Tơdrong jang hơtŏk tơiung hnam oei tơpôl, Tơdrong jang sut hnam pơgia, hnam hiăh hiok; lăng truh asong tŏk iŏk jên lơ̆m pơm ‘nao dôm tơdrong tưk tơiung jang tŏk joăt joe ‘noh tơmơ̆t jên jang, tĕch tơ̆ teh đak đe, răt yua; jang ‘lơ̆ng hloh dơ̆ng tơdrong jang tơroi tơbăt trong jang tơgŭm; jang pơkeh trong jang tơgŭm, vei sơđơ̆ng hơtŏ băl păng pơm hơnih hơtŏk tơiung ăn kon pơlei, anih mơdro sa.