Kiơ̆ kơ ‘noh, ‘moi kiơ̆ Tơdrong tơchơ̆t kơsô̆ 243 năr 24/1/2025 kơ Hơnih tơm Chinh trĭ găh pơjing Đảng ƀô̆ Khul kơdră chĕp pơgơ̆r Teh đak, Đảng ủy Khul kơdră chĕp pơgơ̆r Teh đak hlôi pơjing rim tơdrong Tơchơ̆t kơsô̆ 15 Đang ƀô̆ găh lơ̆m Đang ƀô̆ Khul Kơdră chĕp pơgơ̆r Teh đak, đei Đảng ƀô̆ rim Hơnih tơm, hơnih bơ̆ jang: Tư pháp, Hơnih tơm vei lăng Mơdro sa, Joh ayŏ kơdŏ doang, Đă ƀŏng long tơplŏng kơdou păng Tơmang pơhiơ̆, Hơnih jang tơbôl, Hơnih jang Pơgang, Hơnih jang vei lăng Pơtho pơhrăm, Hơnih jang jên hu, Hơnih jang Tơ iung pơjing ming man, Hơnih jang vei lăng Choh jang sa păng Cham char, Hơnih jang Khoa hŏk păng Kmăi kmŏk, Nô̆i vŭ, Hơnih jang vei lăng Kon Kông păng Lui khop, Hơnih jang mong jên Teh đak, Hơnih jang Dăr lăng Teh đak păng Đang ƀô̆ rim hơnih jang pơchoh trong, jang tơgŭm ăn kơ Đảng ủy Khul kơdră chĕp pơgơ̆r Teh đak. Lăp đơ̆ng rŏng pơjao tơdrong tơchơ̆t păng hmach chơt hơ iă ăn 15 Đang ƀô̆ găh lơ̆m Đảng ủy Khul Kơdră Teh đak, iung pơma tơ̆ hop akŏm, Thủ tướng Phạm Minh Chính athei rim Đảng Ƀô̆ găh Đang ủy Khul kơdră Teh đak tĕnh koăng hơmet pơ ‘lơ̆ng hơnih jang Đảng găh lơ̆m Đảng ủy Khul kơdră Teh đak păng pơjao ƀlep tơdrong tơchơ̆t kơ Đảng; Hơmet pơ ‘lơ̆ng Khul kơdră chĕp pơgơ̆r; Tơ iung pơjing trong bơ̆ jang ‘moi kiơ̆ 5 trong chĕp pơgơ̆r kơ đảng păng ‘moi kiơ̆ trong tơchơ̆t kơ Đảng; Akŏm lơ̆m Hop akom tih kơ Đảng rim hơnih đơ̆ng chi ƀô̆ năm tơ̆ lơ kiơ̆ nơ̆r athei jang kiơ̆ kơsô̆ 35 kơ Hơnih tơm Chinh trĭ; Đang ƀô̆ bơ̆ jang ‘moi kiơ̆ Đảng chĕp pơgơ̆r tôm tong păng chiu tŭ tôm tong.