Iung pơma pơtôch Hop akŏm, Thủ tướng Teh đak Phạm Minh Chính sơkơ̆t hơdăh: Tây Bắc păng tơring tơjê̆ ‘noh jing tơring tôch gĭt kăl găh tơdrong jang chinh trĭ, mŭk drăm-tơpôl, vei lăng sơđơ̆ng teh đak, sơđơ̆ng tơring, jĭ “ ‘măng jang” păh Tu kơ Teh đak păng tơklep kơjăp hăm tơdrong jang tơ iung pơjing, vei lăng groi teh kơ Teh đak. Thủ tướng Teh đak pơma hơdăh, rim hơnih bơ̆ jang, tơring akŏm tơlĕch jang kiơ̆ jơnei rim trong jang tpơgŭm djru kon kông, tơdrong lui khop; iung jang rim tơdrong jang atŏk tơ iung mŭkl drăm, joh ayŏ, tơpôl, pơjing tơdrong jang, pơtrŭt kơtang tơdrong hơdrin đơ̆ng kon pơlei lơ̆m atŏk tơ iung mŭk drăm-tơpôl păng vei răk tơƀăk mong tơdrong ‘lơ̆ng hơ iă kơ tơdrong oei sa joăt joe sơ̆ ki, tơgop pơm hơtŏk jơhngơ̆m đon hơrih sa kơ kon pơlei rim hơdrung lơ̆m tơring. Thủ tướng Teh đak athei rim hơnih tơm, hơnih jang, tơring tơrang akŏm jang kiơ̆ lơ̆m 5 tơdrong jang tơm, lơ̆m ou kăl tơgoăt kơjăp ƀar păh atŏk tơ iung mŭk drăm-tơpôl hăm sơđơ̆ng teh đak, sơđơ̆ng tơring lơ̆m tơring Tây Bắc păng tơring tơjê̆.