Tơ̆ ‘Măng hop akŏm, Hơnih chĕp pơgơ̆r akŏm dăr lăng rim tơdrong jang kơ Hơnih chĕp pơgơ̆r, lơ̆m ou akŏm pơma dơnuh păng ăn tơgop nơ̆r rim tơdrong tơhlăk tơhlĭn ăn Radiô Nơ̆r Pơma Việt Nam (VOV) lơ̆m hơmet ming tơdrong kơ Tơvi VTC ăn mơ̆t lơ̆m radiô Tivi Việt Nam. Pơma pơtôch hop akŏm, Thủ tướng Teh đak Phạm Minh Chính hôn bơnê jơhngơ̆m đon, hơnăp jang kơ rim kơdră lơ̆m Hơnih chĕp pơgơ̆r, mă kăl ‘noh Bộ Nội vụ - Hơnih bơ̆ jang kơ Hơnih chĕp pơgơ̆r păng Hơnih jang Khul kơdră Teh đak; athei hơnơ̆ng tơgoăt iŏk dôm nơ̆r tơgop păng mơ̆ng dôm nơ̆r tơgop trŏ lăp đơ̆ng rim hơnih bơ̆ jang, pơm pơkeh dơ̆ng dpôm hla bơar vă tơroi tơbăt ăn Hơnih chĕp pơgơ̆r Trung ương, Hơnih tơm Chinh trĭ. Găh tơdrong kơ VTC lơ̆m hơmet ming khul jang, Thủ tướng tơƀôh hơdăh, pơm lơ liơ sơđơ̆ng ƀlep tơdrong tơchơ̆t đơ̆ng Đảng, Khôi luơ̆t Teh đak, sơđơ̆ng tơdrong đei iŏk yua ‘lơ̆ng hơ iă ăn bơngai jang.