2 kơdră chĕp kơ̆l lăp đon găh dôm hơyak hơtŏk tơiung pran kơtang lơ̆m tơdrong pơvei 2 pang. Singapore pơvei anih dơ̆ng teh đak tơmơ̆t jên jang mă 2 apŭng plĕnh teh lơ̆m Việt Nam; thim 2 hơnih jang kơmăy kơmŏk Việt Nam - Singapore đei asong trong jang drơ̆ng ăn tơmơ̆t jên jang, pơm jing tơdrong jang 20 hơnih VSIP tơ̆ 14 dêh char pơlei tơm Việt Nam, jên mơdro sa tŏk sơđơ̆ng, đei 10,3 ti USD sơnăm 2024.

Việt Nam jing teh đak tĕch phe lơ hloh lơ̆m Singapore. 2 kơdră chĕp kơ̆l drơ̆ng nơ̆r găh dôm trong jang “kơtang, tơtom” vă hơtŏk tơdrong lui ngeh chĭnh trĭ, pơm tơdrong ‘lơ̆ng ‘nao ăn tơdrong pơvei Jang hơdai Gĭt kăl tôm tơdrong; ƀơ̆t măt jăh jang đang păng bơ̆jang kiơ̆ đei yua Tơdrong jang tơlĕch jang tơdrong pơvei ‘nao jăl jang 2025 - 2030. 2 păh drơ̆ng nơ̆r kăl kơ hơtŏk loi dơ̆ng pơma dơnuh khŭl, tơƀơ̆p kơdră kơpal păng rim kơdră; tơlĕch jang đei yua dôm trong jang hơdai 2 pang, mă loi ‘noh jĭ trong jang Hop akŏm hơnơ̆ng rim sơnăm đơ̆ng Thủ tướng 2 teh đak.