2 ‘nu Kơdră tơchĕng ‘lơ̆ng dôm tơdrong iŏk đei lơ̆m Hop akŏm mă 47 Anih jang hơdoi kơ Khul kơdră 2 teh đak Việt Nam – Lào vă bơ̆ jang kiơ̆ dôm tơdrong drơ̆ng nơ̆r đơ̆ng kơdră chĕp kơ̆l teh đak, dôm nơ̆r pơkăp đơ̆ng Khul kơdră 2 teh đak; drơ̆ng nơ̆r jang hơdoi mă ‘lơ̆ng tơdrong dăr hơlen atŭm, vă tơgop bơ̆ jang đei yoa ‘lơ̆ng dôm tơdrong drơ̆ng nơ̆r păng trong jang tih đơ̆ng 2 teh đak pơma atŭm păng tơdrong drơ̆ng nơ̆r jang hơdoi đơ̆ng 2 Quốc hội pơma hơdrô̆; vang jang hơdoi kơjăp lơ̆m dôm tơdrong gĭt kăl kơ 2 teh đak; hơtŏk tơdrong pơma nuh, roi tơbăt ăn băl dôm tơdrong kăl găh dôm tơdrong mă 2 păh tơrek truh, mă loi jĭ tơdrong hơmet pơ ‘lơ̆ng trong chĕp kơ̆l pơgơ̆r, rim anih jang luơ̆t păng dăr lăng tơdrong jang tơ̆ dôm anih jang kơ teh đak...

Lơ̆m ‘năr 10/01 mơ̆n, Thủ tướng Phạm Minh Chính sơng ƀok Bun-thoong Chít-mạ-ni, Phŏ Kơdră teh đak Lào, Kơdră Trung ương Khul jang tơbôl Lào - Việt Nam păng Phŏ Kơdră Trung ương Mặt trận Lào tơiung pơjing teh đak. Kơmăng 10/1, gre păr chơ Thủ tướng Phạm Minh Chính lĕch đơ̆ng anih tơm Viêng Chăn, Lào, pơtôch ‘lơ̆ng hơiă ‘măng năm bơ̆ jang, năm ngôi tơ̆ teh đak Lào păng vang pơgơ̆r Hop akŏm mă 47 Anih jang hơdoi kơ Khul kơdră 2 teh đak Việt Nam-Lào.