Thủ tướng teh đak bơ̆n ăn tơbăt, đơ̆ng rŏng kơ hơtŏk tơbôl Jang hadoi tôm tơdrong Việt Nam - Hoa Kỳ pơtoi hơtŏk kơjăp, pơjing đei lơ tơdrong jang kơjăp ăn tơdrong jang hadoi mŭk drăm, tĕch pơdro, asong jang păng jang hadoi lơ̆m dôm tơdrong jang nai kơ 2 pah. Lơ̆m sơnăm 2024, lơ anih jang mŭk drăm tih pran kơ Hoa Kỳ pơtruh nơ̆r pơih să asong jang tơ̆ Việt Nam; jang hadoi gah pơtho pơhrăm, Thủ tướng pơtruh nơ̆r hăm Anih jang Berggruen Holdings dah hơlen asong jang tơ̆ minh ƀar tơdrong jang gah joh ayŏ, jơhnơr hơrih, tơgop tơbang joh ayŏ Việt Nam truh teh đak đe, vă apŭng plenh teh băt truh tơdrong joh ayŏ kăp gĭt kơ kon pơlei Việt Nam.  

Drơ̆ng nơ̆r hăm tơdrong pơtruh đơ̆ng Thủ tướng teh đak bơ̆n, ƀok Nicolas Berggruen ăn tơbăt, Anih jang Berggruen Holdings kơchăng jang hadoi, asong jang, tơgŭm Việt Nam lơ̆m tơdrong pơtho bơngai jang, tơ̆ anăp noh tơgŭm ăn Việt Nam pơjing jên mong vă jang hơtŏk tơ-iung, trŏ ƀlep hăm tơchơ̆t hơtŏk jang kơ Việt Nam, hăm sơnong jang mă Đảng Cộng sản Việt Nam sơkơ̆t noh hơ-'nhăk tơdrong hơrih roi năr roi phĭ tơtŏ dơnŏ 'lơ̆ng hloh ăn kon pơlei.