Tơ̆ jơ sơng, Thủ tướng Phạm Minh Chính pơma hơdăh, Việt Nam ling lang lăng kăl păng ‘măn tơdrong tơgŭm hơdrol hloh ăn tơdrong pơvei tih tên Việt Nam-Lào. Pơvei chĭnh trĭ roi ‘năr roi tơklep kơjăp păng lui ngeh ‘lơ̆ng. Dôm tơdrong jang hơdai tơm nai nhen khŭl lĭnh, sơđơ̆ng, mŭk drăm, joh ayŏ, pơtho pơhrăm păng jang hơdai đơ̆ng rim tơring 2 teh đak adoi đei bơngơ̆t truh pơtrŭt păng đei hơyak hơtŏk tơiung ‘nao.

Ƀar păh drơ̆ng nơ̆r ‘lơ̆ng jang hơdai, hơmet ăn ‘lơ̆ng hloh ăn ‘Măng hop akŏm 47 Anih jang 2 Khŭl kơdră teh đak kơ 2 teh đak, khŏm iŏk đei jơnei tih tên hloh lơ̆m sơnăm 2025. 2 păh tôch kơ bơngơ̆t truh păng drơ̆ng nơ̆r hơnơ̆ng pơm tŏk pran lơ̆m jang hơdai mŭk drăm, mơdro sa - tơmơ̆t jên jang. Phŏ Thủ tướng Lào pơma hơdăh gô hơnơ̆ng pơtrŭt dôm anih tơm, anih jang tơplih ‘lơ̆ng hơnih tơmơ̆t jên jang, pơm tơdrong hiôk hloh dơ̆ng ăn dôm anih mơdro sa teh đak đe, lơ̆m noh đei anih mơdro sa Việt Nam tơmơ̆t jên jang, tĕch mơdro tơ̆ Lào.