Pơgê năr 29/12, Thủ tướng Phạm Minh Chính hlôi pơgơ̆r 'măng hop akŏm Jơnŭm pơgơ̆r jang kơ Jơnŭm pơgơ̆r teh đak gah “sơkơ̆t tơdrong jang pơm kiơ̆ Tơchơ̆t kơsô̆ 18-NQ/TW”. Kiơ̆ tơroi, tơdrong jang sơkơ̆t jơnŭm pơgơ̆r jang kơ anih jang chĭnh trĭ đei dôm anih jang tơm, anih jang kơyuơ Jơnŭm pơgơ̆r teh đak iŏk jang tenh kuăng, truh dang ei keh đang tơdrong jang.  Ah 'măng hop akŏm, Jơnŭm pơgơ̆r jang hơlen tơdrong jang, lơ̆m noh akŏm pơma đam gah tơdrong pơtôch jăl jang kơ Jơnŭm pơgơ̆r asong bơngai jang đảng kơ Jơnŭm pơgơ̆r teh đak păng pơjing Anih jang Đảng lơ̆m Jơnŭm pơgơ̆r teh đak oei lơ̆m Trung ương.

Sơkơ̆t hơdah ah 'Măng hop akŏm, Thủ tướng teh đak bơ̆n Phạm Minh Chính pơgơ̆r pơtoi hơlen, hơmet kiơ̆ tơdrong tơplih, tơchơ̆t jang kơ jơnŭm jang athei mă bot 'lơ̆ng, pơm jang pran kơtang, đei jơnei tơnăp; tơguăt hăm tơdrong pơm bot 'lơ̆ng, hơtŏk tơdrong hơgei ăn bơngai jang. Mă kăl, tơdrong sơkơ̆t jơnŭm jang athei tơjur gah tơdrong pơm kơdranh, tơjur jơnŭm pơgơ̆r tơm, mă lei ưh đei lê̆ hơlơ̆k hơle, ưh đei hŭt sơnong jang, sơnong pơgơ̆r pơm jang.