Chih akŏm Tơchơ̆t kơ Anih tơm Pơtho Pơhrăm tơlĕch tơchơ̆t vă hơtŏk pơ-'lơ̆ng pơtho pơhrăm; pơjing, hơtŏk tôm tơdrong hơgei ăn bơngai Việt Nam đei đon bơnôh 'lơ̆ng, hŏk kơjung, oei xa dơnưp 'lơ̆ng, pơm jang rơgei; hơtŏk gơh pơma nơ̆r teh đak đe, mă kăl noh nơ̆r Anh lơ̆m hnam trưng hŏk. Thủ tướng Phạm Minh Chính pơgơ̆r Anih tơm Pơtho Pơhrăm pơtoi chih iŏk nơ̆r tơgop ah 'măng hop akŏm, keh đang tơlĕch tơchơ̆t Tơdrong jang kơ teh đak gah hơtŏk pơ-'lơ̆ng pơtho hŏk pơhrăm.

Tơdrong tơchơ̆t athei dar deh hơtŏk pơtho nơ̆r Anh lơ̆m pơtho pơhrăm jăl kơđeh păng jăl phôh thŏng. Pơtho pơhrăm kon bơngai athei akŏm lơ̆m đon bơnôh, tơdrong hơgei păng pran jăng grăng hơkou. Đon bơnôh, kơ̆l 'ngok rơgei hlôi tơroi lơ 'măng bơih mă lei gah hơtŏk pran jơhngơ̆m jăn noh tam mă đei tơrĕk lơ lơ̆m khei năr ou ki. Atŭm hăm noh tơrĕk truh đe mon tơ̆ tơring hơtaih yaih, tơring sơlam teh păng achon đak dơsĭ.