Pơma ah jơ pơm jang, Thủ tướng Phạm Minh Chính akhan, dôm tơdrong jang oei tơhlăh noh lơ păng đunh sơnăm kơ ou, lơ̆m khei năr hơmet tơdrong hơtŏk hơdrin hloh 8% lơ̆m sơnăm ou păng 2 kơsô̆ ah dôm sơnăm pơtoi kơ 'noh athei jang khŏm mă keh, lơ̆m noh sek tơlang mă keh dôm tơdrong oei tơhlăk, tơjruh. Thủ tướng akhan, Anih tơm Jên hu hlôi chih pơkăp hơnăn hloh 1 rơbou 500 dôm tơdrong tơhlăk tơhlĭn, mă lei gah tơdrong jơnei lơ̆m pơm jang ưh đei hơtŏ.

Thủ tướng pơgơ̆r dah sek tơlang dôm tơhlăk tơhlĭn hăm tơchơ̆t khŏm keh đang dôm tơdrong jang dơnơm. Pơtoi hơlen, chih akŏm trong jang, sek tơlang hơdrol minh ƀar tơdrong jang, lơ̆m noh tơrĕk rơih dôm tơdrong asong jang kiơ̆ pơkăp PPP (pơkăp jang hadoi đơ̆ng teh đak hăm anih jang mŭk drăm vă tơlĕch pơm jang)