‘Nou ‘măng năm tơmang tôch git kăl mưh đei pơgơ̆r lơ̆m tim mă truh 2 giĕng đơ̆ng rŏng ‘măng năm tơmang đơ̆ng Tổng Bí thư Tô Lâm truh tơ̆ Singapore. Tơdrong mă ‘noh tơƀôh hơdăh tơgoăt tơgoăl dih băl ƀar păh Việt Nam păng Singapore hrei ou tŏk bŏk atŏk tơ iung ‘lơ̆ng hơ iă păng Kơdră kơpal ƀar teh đak lăng ba kơjăp păng tơbăt jơhngơ̆m hơdrin vă pơtrŭt tơgoăt tơgoăl ou. ‘Măng năm tơmang jing jơ rơvơn vă kơdră chĕp pơgơ̆r ƀar păh hơnơ̆ng pơma dơnuh dih băl dôm tơdrong mă ƀar păh hlôi pơma truh lơm ‘măng năm tơmang đơ̆ng Tổng Bí thư truh tơ̆ Singapore ou ki, tơgŭm ăn tơlĕch dôm tơdrong tơchơ̆t găh pơm hơtŏk Tơgoăt tơgoăl gĭt kăl tôm tong ƀar păh Việt Nam păng Singapore. Lơ̆m ‘măng năm tơmang đơ̆ng Thủ tướng Singapore truh tơ̆ Việt Nam ‘măng mă ou, đĭ đăng rim Kơdră kơpal kơ Việt Nam jei gô đei ‘măng tơƀơ̆p pơma dơnuh hăm Kơdră chĕp pơgơ̆r Singapore.