Atŭm năm akŏm đei Kơdră teh đak Cộng hòa Dân chủ Đông Timor Hô-sê Ma-nuel Ra-mốt Hô-ta, kơdră kơ dôm teh đak ASEAN, dôm anih jang apŭng plenh teh. Hop akŏm Khei năr hơnô̆ hơnăp kơnh ASEAN sơnăm 2025 hăm hơnăn “Pơjing ASEAN tơguăt tơguăl, tôm tong, păng kơ-'nôh lơ̆m minh apŭng plenh teh đei lơ tơplih” vă atŭm băl vang tơroi kơ dôm tơdrong kơchĕng păng păng tơdrong hơpơi 'meh kơ Tơpôl ASEAN. Pơma ah hop akŏm, Thủ tướng Phạm Minh Chính ră hơdah, apŭng plenh teh păng tơring Châu Á - Thái Bình Dương tŏk bŏk oei bơ̆ng pang dôm tơdrong tơplih kăp gĭt hăm lơ tơdrong tơnap tap păng tơdrong hiôk hloi.

Dôm tơdrong đei ƀôh lơ̆m kơpal teh, lơ̆m kon pơlei, tôm tơdrong tơplih tenh kuăng, tơnap tap hloh kơ hơdrol ki, Thủ tướng Phạm Minh Chính tơƀôh hơdah, yak ah jăl jang 'nao, ASEAN đei băt gô jĭ tơring jang mŭk drăm pran mă 3 lơ̆m apŭng plenh teh hăm GDP đei yua hloh 10 rơbâu tih đôlar, đei tơring răt yua tơmam drăm đơ̆ng hloh 800 triu măt kon pơlei; atŭm hăm noh gô jing anih tơm kơmăi kơmŏk jang mŭk drăm kơsô̆ păng tơplih 'nao gơh hơgei hăm tơdrong jang mŭk drăm kơsô̆ đei yua 1000 tih đôlar ah sơnăm 2030.