Thủ tướng Phạm Minh Chính pôk bơnê kơ dôm tơdrong kơ-'nôh đơ̆ng Jơnŭm bơngai pơtho, dơ̆ng hơlâu noh HLV dơnơm Kim Sang Sik păng tôm khul kơdah ƀơlŏng Việt Nam hlôi găn hloh tơnap tap vă kơ-'nôh đei jơnei mă mônh kơ 'măng pơlong ASEAN Cup 2024, pơtrŏ tơdrong hơpơi 'meh đơ̆ng lơ kon pơlei Việt Nam, hơ-'nhăk tơdrong ang hơdah ăn teh đak.

Thủ tướng sơkơ̆t hơdah, tơdrong đei jơnei âu ưh hơdrô̆ tơdrong pơ-ư pơ-ang kơ tơplŏng kơdâu Việt Nam mă oei jĭ tơdrong pơchruh jơhngơ̆m pran ăn tôm kon pơlei, tơƀôh tơdrong 'meh hơtŏk đei iŏk jơnei pran 'nao. Lơ̆m jơ tơƀơ̆p, Thủ tướng Phạm Minh Chính tang măt ăn jơnŭm pơgơ̆r Đảng Teh đak pôk Mê đai Pơm jang Tăl mônh ăn Khul kơdah ƀơlŏng drŏnglo kơ teh đak. Pôk mê đai pơm jang tăl 3 ăn 6 'nu lơ̆m khul kơdah ƀơlŏng kơ teh đak noh Duy Mạnh, Quang Hải, Tiến Linh, Ngọc Đức, Đình Triệu, Nguyễn Xuân Son.