Tơ̆ tơƀơ̆p, Thủ tướng Phạm Minh Chính pơma hơdăh ‘măng năm tơmang tôch gĭt kăl lơ̆m khei ‘năr ƀar teh đak ‘nao pơm hơtŏk tơgoăt tơgoăl jang  hơdoi gĭt kăl tôm tong păng Malaysia dang ei tŏk bŏk iŏk hơnăp jang Kơdră chĕp pơgơ̆r ASEAN. Găh trong jang hơdoi lơ̆m khei năr kơnh, ƀar păh drơ̆ng mĭh nơ̆r atŏk kơtang ăn khul kơdră năm ngôi dih băl, tơƀơ̆p pơma dơnuh dih băl; pơgơ̆r ‘măng hop akŏm mă 8 Hơnih jang Hơdoi găh Jang hơdoi Mŭk drăm, Khoa hŏk, Kih thuơ̆t Việt Nam – Malaysia lơm sơnăm 2025; hrôih pơdrơ̆ng kiơ̆ Tơdrong jang Iung jang tơlĕch jang kiơ̆ tơgoăt tơgoăl Jang hơdoi tôm tong jăl jang 2025-2028; yak truh kĭ hla bơar ƀlŏk hơdơ̆r găh jang hơdoi lơ̆m tơdrong jang Halal; pơih să jang hơdoi lơ̆m rim tơdrong jang nhen mŭk drăm kơsô̆, mŭk drăm rơgoh ‘lơ̆ng, tơplih ŭnh hơyuh hơtŏ hơnơ̆ng, khoa hŏk, tơplih ‘nao tơchăr, choh jang sa gơh hơgei, khul kơdră điên tư, sơđơ̆ng mạng.