Iung pơma tơ̆ Pơm lêh tơlĕch jang, Thủ tướng Phạm Minh Chính pơma hơdăh: Tơdrong jang “Đĭ đăng kon pơlei vang hŏk pơhrăm tơplih kơsô̆” jĭ tôch gĭt kăl, tih tên păng trŏ lăp hăm tơdrong atŏk tơ iung teh đak, tơbăt hơdăh jơhngơ̆m kơrŭn đĭ ai đơ̆ng Đảng, Teh đak lơ̆m ‘măng atŏk tơ iung Khul kơdră Teh đak kơsô̆, mŭk drăm kơsô̆, tơpôl kơsô̆, kon pơlei kơsô̆ gơ̆h hơgei, oei sa ‘lơ̆ng păng ‘mêm mơnat; kiơ̆ yok tơdrong joăt pơnam hŏk pơhrăm, jơhngơ̆m đon hŏk pơhrăm đĭ jơhnơr hơrih kơ hơdrĕch hơdrung Việt Nam. Tơbăt dơ̆ng 80 sơnăm hơdrol ou sơ̆, mưh teh đak iŏk đei pơm tơm kơdih, hloh 95% măt bơngai kon polei tim mă băt đŏk, tim mă băt chih chư ... Tơdrong jang “Đĭ đăng kjon pơlei vang năm hŏk pơhrăm” đei pơjing hăm tơdrong tơm ‘noh vă xut xa ưh kơbăt kơchư, pơm hơtŏk jơhngơ̆m đon hlôh vao kơ Kon pơlei păng lăp lơ̆m khei ‘năr kơđeh, kơ triu ‘nu bơngai kon pơlei Việt Nam hlôi băt chă đŏk, chă chih, tơgop gĭt kăl lơ̆m tơdrong jang tơ iung pơjing păng  vei lăng Teh đak, Thủ tướng pơma hơdăh, teh đak tŏk bŏk dơ̆ng tơ̆ hơnăp tơdrong rơvơn vă yak mơ̆t lơ̆m chăl ‘nao, atŏk tơ iung kơtang hăm tơdrong tpơm ‘noh đơ̆ng khoa hŏk, kmăi kmŏk, tơplih ‘nao tơchăr păng tơplih kơsô̆.