Thủ tướng Phạm Minh Chính ră hơdah lơ̆m khei năr ƀơm lơ tơnap tap, chŏng mă gơnơm băt hơdah tơdrong pơgơ̆r đơ̆ng 2 Anih tơm Chĭnh trĭ, atŭm hơdrin, jang khŏm mă keh đơ̆ng Jơnŭm pơgơ̆r teh đak, rim anih jang kơpal, rim tơring, 2 teh đak hlôi tơlĕch jang tơnăp, đei jơnei dôm Tơchơ̆t kơpal, pơyua lơ lơ̆m tơdrong jang hadoi kơ 2 teh đak, tơgop atŭm pơjing mŭk drăm pơgơ̆r kơdih, jang hadoi pơih să lơ̆m apŭng plenh teh, đei jơnei ang hơdah tơgăl kơ pôl bơnê.

Sơkơ̆t ah pơtôch hop akŏm, ƀar pah lui ngeh hăm tơdrong đei jơnei đơ̆ng 'Măng hop akŏm gô pơm trong 'nao tơgŭm ăn tơbôl jang hadoi kơ 2 teh đak roi năr roi hơtŏk tơ-iung pran hloh, tơgop hơtŏk tơdrong jang tơbôl kăp gĭt, tơguăt tơguăl păng jang hadoi tôm tơdrong Việt Nam-Lào lơ̆m khei năr truh.