Pơma tơ̆ jơ pơm lêh, Kơdră Quốc hội Trần Thanh Mẫn pơma hơdăh, tơdrong Quốc hội jăl 15 tơlĕch Tơdrong tơchơ̆t kơsô̆ 38 găh pơlong 1,2 trong jang tơgŭm hơdrô̆ hơtŏk tơiung dêh char Thừa Thiên Huế, lơ̆m noh hơgăt hơdăh 1,2 trong jang tơgŭm găh vei lăng jên hu, jên jang teh đak, jên tơmang lăng păng jên mong vei lăng anih gru groa Huế, pơm tơdrong ‘lơ̆ng vă pơtrŭt hơtŏk tơiung sơđơ̆ng, hơtŏ lăp ‘lơ̆ng, vei lăng, hơtŏk kơjă kăp gĭt anih gru groa hai, pơm tơdrong ‘lơ̆ng pơtrŭt hơtŏk tơiung mŭk drăm - tơpôl, vei sơđơ̆ng teh đak, pơjing tơdrong jang chĭnh trĭ pran kơjăp hai.

Kơdră Quốc hội Trần Thanh Mẫn athei, kơdră đảng, kơdră pơlei tơm Huế đei trong tơlĕch jang hơdăh, rơđăh rơđong, vă hơmet pơ ‘lơ̆ng dôm tơdrong mơmat tat, long nol mưh jing pơlei tơm găh trung ương.