Ƀơm truh tơ̆ 1,2 anih ơng, pơm tơđăh tơh ‘nao đei Công an dêh char Đắk Lắk chă ƀôh păng rôp tơkêng, yoa yoa kơchơ̆t kâm ưh ăn yoa mưh pơm tơlĕch tơmam xa tơ̆ Việt Nam, Anih vei lăng pơm tơlĕch tơmam ‘lơ̆ng păng atŏk tơiung anih tĕch mơdro găh Anih tơm vei lăng choh jang xa păng atŏk tơiung tơring tơrang ‘nao đei hla ar chih gơih ăn Anih vei lăng choh jang xa dêh char Đắk Lắk athei roi tơbăt mă hơdăh dôm tơdrong đei ƀơm truh.

Hla ar chih tơroi athei chih găh dôm tơdrong: Roi tơbăt găh tơdrong vei lăng tơmam xa rơgŏh đơ̆ng tơring hăm dôm anih jang pơm glăi kŭm hăm dôm trong vă sek tơlang. Athei hơlen, iŏk tơvih pơđĭ păng dôm tơdrong jang đei truh dang ei. Hla ar chih tơroi gơih ăn Anih vei lăng, pơm tơlĕch tơmam ‘lơ̆ng păng atŏk tơiung anih tĕch mơdro adrol kơ ‘năr 30/12/2024. Atŭm hăm ‘nŏh, Anih vei lăng choh jang xa păng atŏk tơiung tơring tơrang dêh char Đắk Lắk tơrek truh tơdrong tơroi tơbăt, pơtho tơƀôh ăn kon pơlei, anih pơm tơlĕch, tĕch mơdro tơmam đơ̆ng choh jang xa tơ̆ dêh char dôm tơdrong hơgăt păng trong vei lăng rơgŏh ‘lơ̆ng tơmam. Hơtŏk tơdrong dăr hơlen, vei lăng mưh bơ̆ jang dôm tơdrong đei pơjao ăn anih vei lăng tơ̆ apŭng, xăh lơ̆m dêh char vă tơtom chă ƀôh, tang găn, vei lăng ‘lơ̆ng tơmam xa rơgŏh kiơ̆ hơnăp đei pơjao.