Mă hơdăh nhen Công ty Cổ phần Banana Brothers Farm, apŭng M’Đrắc, dêh char Dak Lăk ‘nao tĕch mơdro 100 tân prit năm tơ̆ teh đak Trung Quốc păng Hàn Quốc; Công ty Ban Mê Green Farm hlôi kĭ hla bơar ƀlŏk hơdơ̆r păng kĭ pơkăp tĕch răt hloh 100 container sâu riêng hăm teh đak răt iŏk. Lơ hơnih mơdro sa kơ Dak Lăk hlôi iung jang tơplih ‘nao trong jang pơtăm vă plei ‘lơ̆ng, trŏ lăp hăm tơdrong ‘meh vă răt iŏk đơ̆ng hơnih răt iŏk. Hơnih vei lăng Choh jang sa păng Atŏk tơ iung Tơring tơrang dêh char Dak Lăk, tơbăt: sơnăm 2025, hơnơ̆ng akŏm pơjing đei tơmam drăm ‘lơ̆ng, trŏ lăp ăn tĕch mơdro ăn teh đak đe. Mĭnh tơdrong tôch chhôk ‘nă hloh dơ̆ng lơ̆m tĕch mơdro tơ̆ teh đak đe tơmam drăm choh jang sa kơ Dak Lăk ‘noh găh chehphe ‘lơ̆ng, chehphe gĭt kăl hơnơ̆ng đei teh đak đe lăng truh. ‘Ngoăih chehphe tĕch mơdro găr, rim kơ loăi chehphe pŭk ou to kơ dêh char jei roi năr roi sơkơ̆t hơdăh hơnih dơ̆ng kơ jăp, ƀôh kang bang kơ̆l tơ̆lơ teh đak. Lơ̆m ou đei teh đak răt rơih kơtang păng răt iŏk lơ nhen: Mi, Nhật Bản, Hàn Quốc, châu Âu.