Iung pơma tơ̆ jơ bơ̆ jang, Tổng Bí thư Tô Lâm pơma hơdah, Đảng bơ̆n hlôi sơkơ̆t hơdăh atŏk tơ iung mŭk drăm ‘noh tơdrong jang tơm kơ yuơ lơ loh hla bơar chih tơbăt bơ̆ jang mŭk drăm-tơpôl jĭ hla bơar tôch gĭt kăl lơ̆m trong jang pơchoh trong bơ̆ jang đơ̆ng Đảng. Pơma hơdăh, Hla bơar chih tơbăt tơdrong jang ou đơ̆ng Hơnih kăl nơ̆r tơblang hơdăh vă pơ đĭ khul chinh trĭ kơrŭn iung jang jơnei rim trong tơlĕch jang, Tổng Bí thư Tô Lâm pơkă, trong tơlech jang kăl hloh lơ̆m Hop akŏm tih kơ Đảng lơ̆m teh đak ‘măng mă 14 ‘noh tơchơ̆t dôm tơdrong jang kăl hloh vă Teh đak sơđơ̆ng atŏk tơ iung păng hơnơ̆ng pơm hơtŏk sơđơ̆ng hơrih sa kơ kon pơlei. Tổng bí thư athei kăl băt hơdăh tôm tong găh sơđơ̆ng vă atŏk tơ iung păng atŏk tơ iung vă sơđơ̆ng, lăng truh trong tơlĕch jang tuch luch ‘noh pơm hơtŏk tơdrong hơrih sa kơ kon pơlei roi năr roi ‘lơ̆ng hơ iă hloh dơ̆ng, kơ yuơ lơ loh, lơ̆m Hla bơar chih tơbăt bơ̆ jang mŭk drăm-tơpôl kăl tơƀôh hơdăh găh tơdrong ‘nou. Kơrŭn đĭ ai vă atŏk tơ iung tĕnh koăng păng kơjăp ‘lơ̆ng lơ̆m chăl truh ou kơnh  kơ yuơ lơ loh kăl đei trong tơchăr hle, trong jang ‘nao pran kơtang hloh dơ̆ng ‘nei mă jang keh đang dôm trong tơlĕch ăn.