Tơ̆ jơ bơ̆ jang, Tổng Bí thư Tô Lâm hôn bơnê khul ƀô̆ đô̆i quân khu hlôi jang keh đang ‘lơ̆ng tơdrong jang lơ̆m sơnăm ou ki. Găh tơdrong jang khei năr ou kơnh, Tổng Bí thư athei, quân khu kăl hơnơ̆ng tơlĕch jang kiơ̆ ƀlep trong bơ̆ jang đơ̆ng Đảng, khôi luơ̆t Teh đak, tơdrong tơchơ̆t, nơ̆r athei jang kiơ̆ đơ̆ng Quân Uỷ Trung ương, Hơnih tơm Ƀô̆ đô̆i vei lăng sơlam teh đak păng tơdrong bơ̆ jang kơ Khul ƀô̆ đô̆i Quân khu, kơrŭn đĭ ai jang keh đang rim trong tơlĕch jang, tơdrong Tơchơ̆t Hop akŏm tih 13 kơ Đảng, Tơdrong tơchơ̆t Hop akom tih Đảng ƀô̆ Quân khu ‘măng mă X. Iung jang đĭ ai vang pơchoh trong ăn Quân uỷ Trung ương, Hơnih tơm Ƀô̆ đô̆i vei lăng sơlam teh đak păng iung jang hơdoi hăm khul kơdră đảng, kơdră chĕp pơgơ̆r tơring tơ iung pơjing tơdrong jang đĭ đăng kon pơlei vang vei lăng sơđơ̆ng teh đak tơklep hăm trong bơ̆ jang vei sơđơ̆ng kon pơlei păng tơ iung pơjing hơnih tang găn hơlou pran kơjăp iăp kơtang. Mă kăl băt hơdăh tơdrong, xek tơlang tơtom dôm tơdrong đei ƀôh ưh kơ ê, vei kơjăp sơđơ̆ng chinh trĭ, pơjing rơvơn vă rim tơring atŏk tơ iung mŭk drăm-tơpôl.