Tổng Bí thư hơiă, pôk pơ ư tơdrong adrin păng dôm tơdrong jang đei mă Đảng ƀô̆, Khul kơdră pơgơ̆r păng kon pơlei dêh char iŏk đei lơ̆m khei ‘năr âu ki, mă loi lơ̆m sơnăm 2024, pơjing jơhngâm pran vă dêh char Hưng Yên kŭm hăm teh đak yak kơjăp mât lơ̆m “Chăl ‘nao – Chăl jang tŏk đơ̆ng hơdrĕch hơdrung Việt Nam".

Tổng Bí thư pơma hơdăh, sơnăm 2025, Đảng ƀô̆ dêh char Hưng Yên athei hlôh vao mă trŏ, tôm tĕch găh rim tơdrong; chih hơdăh tơdrong pran ‘lơ̆ng đơ̆ng tơring vă đơ̆ng noh tơlĕch trong jang, chă rơih tơdrong jang tơm păng tơdrong pran vă chĕp kơ̆l pơgơ̆r, pơjing hơyak tŏk ‘nao, pran kơjăp lơ̆m tơdrong jang atŏk tơiung mŭk drăm, tơpôl, tơiung pơjing Đảng păng rim anih jang chinh trĭ rơgŏh ‘lơ̆ng, pran kơjăp. Dêh char hơnơ̆ng chĕp kơ̆l pơgơ̆r, bơ̆ jang ‘lơ̆ng đei yoa tơdrong hơmet ming anih jang chinh trĭ tơ̆ dêh char, apŭng kiơ̆ trong “tŏ sĕt bơngai – gơ̆h hơgei – bơ̆ jang đei yoa ‘lơ̆ng", kiơ̆ trŏ trong jang đơ̆ng Trung ương, lăp hăm rim tơdrong tơ̆ yăn âu kơ dêh char; Tơrek truh tơdrong tơgŭm, bơ̆ jang ‘lơ̆ng tơdrong roi tơƀôh chinh trĭ, đon tơchĕng hăm kăn ƀô̆, bơngai jang kơ teh đak.