Sơng Tổng Bí thư Tô Lâm păng hơkăn ƀok kŭm hăm Khul tang măt đei Tổng Thư ký ASEAN Tiến sĩ Kao Kim Hourn păng hơkăn sư, đe Kơdră chĕp kơ̆l Ban Thư ký ASEAN păng dôm bơngai tang măt, Kơdră chĕp kơ̆l Khul tang măt dôm teh đak ASEAN. Đơ̆ng rŏng kơ lêh sơng, Tổng Bí thư Tô Lâm pơtăm ‘long ƀlŏk hơdơ̆r lơ̆m cham Anih jang kơ Ban Thư ký păng hơpăh tơmam tơbăt vă ming tơ̆ Anih pơdă tơmam kơ Ban Thư ký ASEAN.

Tơ̆ jơ bơ̆jang hăm Tổng Thư ký ASEAN păng Anih jang tang măt tơ̆ ASEAN, Tổng Bí thư Tô Lâm pơma hơdăh Việt Nam ling lang năng kăl păng vang tơgop đĭ jơhngâm ăn tơdrong jang tŏk kơ ASEAN lơ̆m 30 sơnăm âu ki yoa dôm tơdrong jang tih đơ̆ng ASEAN. ‘Măng năm ngôi đơ̆ng Tổng Bí thư Tô Lâm tơ̆ Ban Thư ký ASEAN mă âu vă tơƀôh hơdăh nơ̆r pơkăp gĭt kăl đơ̆ng Việt Nam hăm ASEAN, pơma hơdăh ASEAN hơnơ̆ng jĭ 1 tơdrong pơ ‘nhŏ hơdrol lơ̆m trong jang tơbôl đơ̆ng Việt Nam lơ̆m chăl ‘nao.