Khei năr ou ki, Anih juăt jang hlôi hơlen, akŏm vă chih tơmơ̆t lơ̆m hla bar pơkăp pơtruh ăn Hop akŏm 14 kơ Đảng, lơ̆m noh đei tơchơ̆t hơtŏk mŭk drăm jăl sơnăm 2026-2030 hơtŏk 2 kơsô̆; Atŭm hăm noh jĭ minh ƀar tơdrong kăp gĭt nai gah vei sơđơ̆ng tơpôl, jang tơbôl; dôm tơdrong gah khôi luơ̆t, păng tơdrong jang tang găn păng tơjră xa pơjĭp. Sơkơ̆t pơtôch hop akŏm, Ƀok Tổng Bí thư Tô Lâm drơ̆ng lăp hăm tơdrong pơtruh đơ̆ng Anih juăt jang hơmet tôm tơdrong, atŭm hăm noh tơrĕk gah tơdrong pơtoi chih akŏm dôm nơ̆r tơgop vă hơmet dôm tơdrong chih tơbang kơđeh bot 'lơ̆ng.

Ƀok Tổng Bí thư akhan, dôm tơdrong chih tơbang athei chih kiơ̆ tơdrong jang ƀlep hăm tơdrong hơrih vă kon pơlei, kang ƀô̆ đảng viên băt hơdah tơchơ̆t noh păng pơm jang. Ƀok Tổng Bí thư adoi pơgơ̆r, dôm Hla bar chih tơbang athei đei dôm trong pơm jang trŏ, ưh đei hơtŏk păng ưh đei pơm lao đon.