Kiơ̆ hơlen dôm tơdrong tơbang păng tơgop nơ̆r đơ̆ng dôm bơngai jang lơ̆m Jơnŭm asong bơngai jang, Ƀok Tổng Bí thư Tô Lâm ră hơdah, Hop akŏm mă 14 'noh kăp gĭt hloh, pơih minh anglŏ sơnăm 'nao,  “anglŏ sơnăm hơtŏk tơ-iung pơdrŏng pran kơtang, jơnap kơ kon pơlei”. Tơblang gah tơdrong ou, ƀok Tổng Bí thư tơchơ̆t jang kơpal hloh lơ̆m tơdrong hơmet păng hơtŏk pơ-'lơ̆ng dôm hla bar kăl ăn Hop akŏm 14 kơ Đảng, lơ̆m noh đei tơdrong asong bơngai jang.

Ƀok Tổng Bí thư ră hơdah, tơchơ̆t mă hơtuch đĭ đăng noh athei pơjing khŏm mă đei jơnŭm jang Ƀan châ̆p hanh Trung ương Đảng, Anih tơm Chĭn trĭ, Ƀan ƀĭ thư, mă kăl noh đe kơdră tơm dơnơm tơpă dơnưp 'lơ̆ng, gơh hơgei; tơdrong tơguăt tơguăl drơ̆ng nơ̆r tơnăp, atŭm jơhngơ̆m khŏm mă jang tơplih 'nao păng pơm kiơ̆ tơnăp sơnong pơgơ̆r đơ̆ng Đảng hăm teh đak lơ̆m chăl sơnăm 'nao; tơgop hơ-'nhăk tơdrong phĭ tơtŏ dơnŏ 'lơ̆ng ăn kon pơlei.