Iung pơma tơ̆ Hop akŏm, Tổng Bí thư Tô Lâm - Kơdră chĕp pơgơ̆r Hơnih chep pơgơ̆r Trung ương găh tang găn sa pơgơ̆m pơjip, pơhoach brăh brư hơlen lơ̆m sơnăm 2024 bơ̆ jang tang găn sa pơgơ̆m pơjĭp lơ̆m Hơnih bơ̆ jang nội chính Đảng păng rim Hơnih chĕp pơgơ̆r kơ dêh char, pơlei tơm hơnơ̆ng đei vei kơjăp ƀlep tơdrong tơchơ̆t, ƀlep trong pơchoh ăn hăm trong jang ưh kơ lon mă đơ̆ng bơngai bu, tơgop hơmet pơ ‘lơ̆ng tơdrong lui yom đơ̆ng kon pơlei hăm Đảng, đei bôl boăl teh đak đe hôn bơnê. Lăp đon hăm dôm tơdrong jang mă Hơnih jang tơlĕch ăn lơ̆m sơnăm 2025, Tổng Bí thư athei, hơmet ming pơ ‘lơ̆ng hloi dôm tơdrong jang tim mă ‘lơ̆ng hlôi đei chih tơbăt lơ̆m hla bơar tơbăt tơdrong jang păng dôm tơdrong pơma dơnuh tơ̆ hop akŏm. Pơma hơdăh sơnăm kơnh gô pơgơ̆r lơ tơdrong kăl kơ Teh đak, Đảng păng Teh đak bơ̆n đei lơ trong iung jang tơlĕch ăn kơtang. Kơ yuơ lơ loh, pơđĭ Hơnih jang nội chính Đảng păng rim Hơnih chĕp pơgơ̆r kơ dêh char, pơlei tơm kăl iung jang kiơ̆ mă ƀlep, băt hơdăh vă pơchoh trong jơnei hăm Đảng păng teh đak lơ̆m bơ̆ jang nội chính.