Tổng Bí thư Tô Lâm păng Thủ tướng Aleksandr Turchin drơ̆ng nơ̆r pơvei 2 teh đak tŏk bŏk dơ̆ng tơ̆ hơnăp tơdrong hiôk ‘nao, hơlen lăng 2 teh đak kăl kơ hơtŏk pran tơdrong joăt joe vă pơih să jang hơdai tơpă, đei yua. 2 păh gô pơjing 1 tơdrong bơ̆ jang vă tơlĕch jang pơvei Jang hơdai gĭt kăl ‘nao hơtŏk, hơtŏk loi dơ̆ng pơma dơnuh khŭl kơdră kơpal păng rim kơdră, pơtrŭt pơvei mŭk drăm, tĕch mơdro tơ găl hăm pơvei jang hơdai gĭt kăl, hơtŏk loi dơ̆ng jang hơdai kơmăy kơmŏk, lơ̆m noh đei pơm tơlĕch gre ô tô păng gre choh, jang hơdai khoa hŏk - kơmăy kơmŏk, pơtho pơhrăm, joh ayŏ, tơmang lăng, tơƀơ̆p pơma dơnuh đơ̆ng kon pơlei, hơtŏk loi dơ̆ng tơƀơ̆p pơma dơnuh đơ̆ng jơhnơr mơlôh vă chĕp vei, pơtăl dơ̆ng tơdrong joăt joe pơvei tơbôl, jang hơdai joăt joe.

Pơma dơnuh găh dôm tơdrong tơring păng apŭng plĕnh teh vang bơngơ̆t truh, 2 păh pơma hơdăh gô hơnơ̆ng jang hơdai kơjăp tơ̆ dôm hop akŏm tơring păng apŭng plĕnh teh, vang tơgŭm dôm tơdrong kăl đơ̆ng khôi luơ̆t apŭng plĕnh teh, tơgop ‘lơ̆ng ăn tơdrong pơvei rơngei, sơđơ̆ng, jang hơdai păng hơtŏk tơiung tơ̆ tơring păng lơ̆m apŭng plĕnh teh