Tổng Bí thư Tô Lâm athei, Anih jang Đảng lơ Khul kơdră teh đak pơtho tơƀôh jăh chih akŏm tôm tơmam tơ̆ rim anih jang, tơring tơrang lơ̆m teh đak vă đei trong vei lăng, iŏk yoa đơ̆ng rŏng kơ hơmet ming, kăt tơjur bơngai jang păng anih jang vei lăng tơ̆ jơ̆p tơring, pơm ‘lơ̆ng, đei yoa, ưh gơ̆h tơhiong hŭt, pơhuach kư̆ kă. Hơmet kĕh đang kơtă lơ̆m sơnăm 2025 hăm dôm anih jang, teh tơpôl ưh đei iŏk yoa, dăh mă iŏk yoa ưh đei ‘lơ̆ng. 

Kiơ̆ jơhngâm đon athei pơm tơplih ‘lơ̆ng hlŏh dơ̆ng lơ̆m tơdrong tang găn brăh brư, pơhuach kư̆ kă, mă loi akŏm jơhngâm sek tơlang mă kĕh dôm anih jang, tơdrong jang man hiơ̆ hyĭn, vang tơgop mong akŏm, iŏk yoa ‘lơ̆ng jên, tơmam vă pơyoa ăn tơdrong jang tŏk mŭk drăm hlŏh 8% lơ̆m sơnăm 2025 păng tŏk 2 kơsô̆ lơ̆m dôm sơnăm đơ̆ng rŏng. Tổng Bí thư Tô Lâm oei athei, pơgơ̆r pơtôch hơlen năng tơdrong janmg tang găn xa pơjĭp, pơhuch kư̆ kă, pơm glăi lơ̆m Jăl jang mă XIII. Tơ̆ hơnăp dang ei, lơ̆m sơnăm 2025 athei chih hơmet mă tôm dôm trong jang, tơdrong tơgŭm đơ̆ng Đảng găh tang găn xa pơjĭp, pơhuach kư̆ kă, pơm glăi hlôi đei pơma truh lơ̆m Hop akŏm mă XIII.