Lơ̆m jơ ‘năr gĭt kăl, tơ̆ Điện Kính Thiên, tơ̆ loel kông Nghĩa Lĩnh, Tổng Bí thư Tô Lâm hăm rim kơdră tang măt hlôi soh hlôt nhang, tơbăt jơhngơ̆m đon hôn bơnê dôm tơdrong tơgop tih tên đơ̆ng Mĕ ƀă yă ƀok sơ̆, tơbăt hơdăh jơhngơ̆m đon “Nhă đak ƀlŏk hơdơ̆r kơ tu” đơ̆ng hơdrĕch hơdrung Việt Nam; hơvơh hơvơi hơpơi ăn Mĕ ƀă yă ƀok lăng tông nông gia tơpơng ăn ‘mi rŏ tŏ hơlăng; kon pơlei hơrih sa sơđơ̆ng hiôk hian păng hơnŭk hơnoa; Teh đak rơngei keh kong, pơdrŏng pran kơtang, nuih mơng. Tơ̆ hơnăp yang hơbang Mĕ ƀă yă ƀok, Khul kơdră tang măt pơkăp gô hơnơ̆ng kiơ̆ yok rok jơ̆ng joăt joe Tiên Rồng, ưh kơ pơdơ̆h hŏk pơhrăm, kơrŭn đĭ jơhngơ̆m hơdrin, pơm hơtŏk jơhngơ̆m đon gơ̆h hơgei, bơ̆ jang ‘lơ̆ng vă iŏk jang dôm tơdrong kăl mă Đảng, teh đak păng kon pơlei pơjao ăn; Tơgoăt tơgoăl pôm nơ̆r ƀơ̆r đon chĕp pơgơ̆r jang keh kong Tơdrong tơchơ̆t Hop akŏm tih ‘măng mă XIII kơ Đảng; pơrô̆ iung jang keh đang hop akŏm tih kơ Đảng rim hơnih yăk truh Hop akom tih kơdră tang măt lơ̆m teh đak ‘măng mă XIV kơ Đảng; tơ iung pơjing teh đak atŏk tơ iung; tơpôl oei sa ‘lơ̆ng; tơdrong pơm tơm teh đak đei vei kơjăp; tơdrong jang chinh trĭ sơđơ̆ng; hrôih keh đang hơmet pơ ‘lơ̆ng khul kơdră jang kơtoei gơ̆h hơgei, jơnei kơtang hơnhăk teh đak yak mơ̆t lơ̆m chăl ‘nao-chăl atŏk tơ iung kơ hơdrĕch hơdrung Việt Nam.