Tơ̆ jơ sơng, Tổng Bí thư Tô Lâm pơma hơdăh Việt Nam ling lang năm kăl păng ‘măn tơdrong tơgŭm lơ hlŏh ăn tơdrong hơmet kơjăp păng pơm hơtŏk tơdrong pơvei gĭt kăl Việt Nam - Lào, năng ‘nâu jĭ tơdrong jang gĭt kăl, tôch kăp gĭt hăm tơdrong jang tŏk kơ rim teh đak; pơma hơdăh Việt Nam hơdrol dăh mă đơ̆ng rŏng nhen 1 hơnơ̆ng tơgŭm ăn teh đak Lào jang tŏk, roi tơbăt dôm tơdrong kăl hăm teh đak Lào lơ̆m rim tơdrong jang, 2 teh đak Việt Nam - Lào hơnơ̆ng rôp ti mă kơjăp vang chơng băl jang tŏk.

Tổng Bí thư athei tơ̆ hơnăp kơnh, Anih tơm vei lăng Công an 2 teh đak hơnơ̆ng tưk tơiung tơdrong juăt ‘lơ̆ng hơiă, hơtŏk tơdrong tơgŭm băl, jang hơdoi kơjăp, hơtŏk tơdrong tơroi tơbăt, tơdrong jang kăl hăm băl, băt hơdăh rim tơdrong, vang jang hơdoi iung tơjră tang găn ‘lơ̆ng hăm dôm tơdrong phă ngơ̆r đơ̆ng khul hơyăt, jang hơdoi kơjăp găh tơdrong tang găn khŭl hơyăt phă ngơ̆r lơ̆m chăl rơngei, chă trong tơblơ̆ teh đak, tang găn dôm tơdrong yoch klĕch tơ̆ teh đak đe nai.