Tổng Bí thư sơkơ̆t hơdăh Đảng, teh đak păng kon pơlei Việt Nam ling lang lăng kơjăp ƀlŏk hơdơ̆r tơgoăt tơgoăl păng tơgŭm djru trŏ lăp, phăl hơlăng mă Cuba ‘măn ăn Việt nam; pơma tơbăt jơhngơ̆m đon lui, Teh đak Cuba ‘nhŏng oh, hăm trong chĕp pơgơ̆r ‘lơ̆ng rŏ trŏ lăp đơ̆ng Đảng Cộng sản Cu-ba, hơnơ̆ng pran kơjăp iăp kơtang yak hloh rim tơdrong tơnap tap, iŏk đei jơnei ‘nao lơ̆m ‘măng tơ iung pơjing păng vei lăng Teh đak. Tổng Bí thư Tô Lâm pơma hơdăh, hăm Việt Nam, tơgoăt tơgoăl, tơgum djru păng jang hơdoi hăm Cuba ‘noh hơnăp jang păng trŏ lăp hloh; athei ƀar păh iung jang hơdoi tơlĕch jang kiơ̆ jơnei rim tơdrong vă jang hơdoi lơ̆m choh jang sa; ŭnh hơyuh, pơih să jang hơdoi truh dôm tơdrong kăl nhen kmăi kmŏk sinh hŏk, jang pơgang, tơmang pơhiơ̆; hơnơ̆ng tơlĕch jang kiơ̆ jơnei trong bơ̆ jang păng drơ̆ng mĭnh nơ̆r jang hơdoi ƀar păh Đảng, ƀar teh đak.