Pơma tơ̆ Hop akŏm, Tổng Bí thư Tô Lâm pơma hơdăh, lơ̆m khei ‘năr jơ̆p plei teh tơplih ‘nao păng tơdrong jang kơmăy kơmŏk ‘măng mă 4, kơmăy kơmŏk kơsô̆ hlôi păng tŏk bŏk tơƀôh hơdăh hơnăp jang tơm, pơtrŭt tơdrong hơtŏk tơiung mŭk drăm păng tơpôl. Tơplih kơsô̆ ưh khan lăp jing 1 trong jang kăl, mă oei jing ‘meh vă kăl vă kơ Việt Nam pơm tơ jê̆ tơdrong hơtăih băl hơtŏk tơiung hăm tơring păng apŭng plĕnh teh. Hơdai hăm, tơplih kơsô̆ đei tơdrong jang gĭt kăl đunh đai, tơgŭm hơtŏk loi dơ̆ng tơdrong kĕ pơjei kơ teh đak păng hơmet ming anih dơ̆ng kơ Việt Nam lơ̆m hla kak mŭk drăm jơ̆p plei teh.

Mă lei, vă iŏk đei dôm tơdrong hơgăt âu, kăl kơ tơdrong pơkăp pran kơtang đơ̆ng Khŭl kơdră teh đak, tơdrong jang yak hơdai đơ̆ng anih mơdro sa, tơdrong vang jang ‘lơ̆ng đơ̆ng bơngai jang păng đĭ đăng kon pơlei. Tổng Bí thư athei, hơtŏk ‘lơ̆ng kĕ jang păng anih dơ̆ng pơjei jơ̆p plei teh, hơdrin truh sơnăm 2030, hơnhăk Việt Nam mơ̆t lơ̆m grŭp 3 teh đak dơ̆ng hơdrol Đông Nam Á găh tơchĕng hơlen păng hơtŏk tơiung kơmăy kơmŏk kơsô̆, pơm đei tŏ sĕt hloh 5 anih mơdro sa kơmăy kơmŏk kơsô̆ tih kĕ pơjei apŭng plĕnh teh.