Tơ̆ Lêh tơlĕch jang, kơdră chĕp kơ̆l dêh char Hưng Yên roi tơbăt, đơ̆ng sơnăm 2022 truh dang ei, lơ̆m dêh char hlôi pơtăm đei hloh 126 rơbâu tơnơm ‘long. Lơ̆m noh sơnăm 2024, lơ̆m dêh char Hưng Yên đĭ pơtăm đei hloh 38.400 tơnơm, hlôi pơjing 185 jăl trong đei tơm ‘long ‘nao; dôm anih kơdrơ̆m, anih bơ̆jang, hơnih gru groa jơhnơr hơrih - joh ayŏ tă kơ hơdrin bơ̆jang ‘lơ̆ng tơdrong pơtăm ‘long. Akŏm jên pơtăm ‘long kon pơlei truh dang ei ‘noh 92,6 ti hlak jên.

Tơ̆ hơnăp kơnh, dêh char Hưng Yên hơdrin pơtăm tơƀĕnh ‘long tơ̆ dôm jăl trong nơnăm lơ̆m tơring păng vei sơđơ̆ng jang đei pơkăp ‘lơ̆ng tơring tơrang ‘nao ‘lơ̆ng rŏ hăm xăh, apŭng păng dêh char, hơdai hăm ‘nohhơnơ̆ng vei lăng dôm kơloăi ‘long hlôi pơtăm pơm pơ rŏ ‘yâu - rơgoh - ‘lơ̆ng; hơtŏk loi dơ̆ng hơlen lăng, pơtho dôm tơring; rim anih jang, anih mơdro sa jang kiơ̆ ‘lơ̆ng tơdrong jang pơtăm ‘long kiơ̆ Trong jang tơlĕch ăn.