VOV4.Bahnar - Kơ sơ̆ ‘năr 4/7, Anih vei lăng găh jang pơ gang dêh char Lâm Đồng tơ băt: bơ ngai jâu tơ poh jĭ Covid-19 ‘noh bơ ngai huơ̆r gre chơ tơ mam trong Đà Lạt – pơ lei tơm Hồ Chí minh hlôi ư̆h kơ đei ƀôh pơ rang jĭ ‘măng mă 1 hăm SARS-CoV-2. Bơ ngai huơ̆r gre âu đơ̆ng rŏng kơ chơ tơ mam đơ̆ng pơ lei tơm Hồ Chí Minh tŏk tơ̆ Đà Lạt, năm tơ̆ Hơ nih khăm jĭ Đa khoa – Hơ nih vei lăng tơ drong jĭ jăn dêh char Lâm Đồng vă hơ len lăng jĭ SARS-CoV-2 ‘noh đei ƀôh pơ rang jĭ. Lăp đơ̆ng rŏng kơ ‘noh, Anih vei lăng tơ drong jĭ jăn dêh char Lâm Đồng hlôi pơ gơ̆r iŏk pham hơ len lăng RT-PCR ‘noh ăn ƀôh ư̆h kơ đei pơ rang jĭ ‘măng mă 1 hăm SARS-CoV-2. Thoi noh jô̆ truh ‘năr dơ̆ng ‘năr 4/7, Lâm Đồng đei đĭ đăng 5 ‘nu jĭ Covid-19, ư̆h kơ đei bơ ngai jĭ plơ̆ng. Dang ei lơ̆m dêh char tŏk bŏk ăn oei hơ drô̆ 4.331 ‘nu, lơ̆m noh đei 12 ‘nu ăn oei hơ drô̆ tơ̆ anih jang pơ gang, 287 ‘ nu ăn oei hơ drô̆ akŏm păng hloh 4.000 ‘nu ăn oei hơ drô̆ tơ̆ hnam.

Thuem: Tơ blơ̆