VOV4.Bahnar - ‘Năr 20/7, dêh char Lâm Đồng đei dơ̆ng 2 ‘nu bơ ngai jĭ Covid-19 tơ tă bơ ngai huơ̆r gre chơ tơ mam năm klĕch lơ dêh char ngăl. Hơ tŏk đĭ đăng bơ ngai jĭ lơ̆m dêh char tŏk truh 20 ‘nu. Dôm bơ ngai jĭ Covid-19 mă 19 păng 20 tơ̆ Lâm Đồng ‘nŏh jĭ bơ ngai jĭ 58038 păng 58235, tơ tă bơ ngai huơ̆r gre chơ tơ mam kơ dâu trong hơ tăih ngăl.

Lâm Đồng đei dơ̆ng 2 ‘nu bơ ngai huơ̆r gre kơ dâu trong hơ tăih tơ pŏh jĭ Covid-19

Yoa dôm bơ ngai tơ ƀâp 2 ‘nu bơ ngai jĭ âu đei răih rai tơ̆ dôm apŭng Đơn Dương, Đức Trọng, Lâm Hà, Di Linh, Bảo Lâm păng plt Bảo Lộc, anih jang kơ pal dêh char Lâm Đồng hlôi akŏm lơ khul grŭp chă khăm hơ len, ăn oei hơ drô̆, set hơ len jĭ vă vei lăng. Đơ̆ng gơ măng 19/7 truh pơ gê 20/7, dôm khul âu tơ chă đei 53 ‘nu bơ ngai F1 păng 187 ‘nu bơ ngai F2. Anih vei lăng jang pơ gang dêh char Lâm Đồng tơ lĕch hloi 2 hla ar chih gĭt kăl vă tơ chă dôm bơ ngai ƀơm truh bơ ngai jĭ Covid-19.

Dơ̆ng: Tơ blơ̆