VOV4.Bahnar – Pơgê năr 14/7, dêh char Lâm Đồng ƀôh đei dơ̆ng minh 'nu ƀơm jĭ Covid-19, hơtŏk kơsô̆ bơngai ƀơm jĭ Covid-19 lơ̆m tơring truh 13 'nu. Bơngai ƀơm jĭ Covid-19 'nao băt âu hơnăn N.V.Đ. (31 xơnăm, vơ̆r gre chơ tơmam) chơ tơmam đơ̆ng gơng 14, xăh Quảng Lập, apŭng Đơn Dương (Lâm Đồng) năm tơ̆ kơchơ tơm Thủ Đức (plei tơm HCM) păng vih hơlơ̆k.

          Kiơ̆ tơroi đơ̆ng bơngai jĭ Đ, 2 khei kơ âu xư ưh đei vih tơ̆ hnam oei tơ̆ apŭng Đức Trọng (Lâm Đồng), adrô̆ tơjrâ̆m hăm bơngai juăt tĕch răt tơmam hăm xư, răt tơmam xŏng xa tơ̆ dôm anih tĕch păng tep hloi lơ̆m gre, hŭm 'nhao noh ăh anih tĕch đak xăng, đei veh răt ƀanh mi rok trong tơ̆ dêh char Đồng Nai mă lei ưh kơ băt hơdăh anih. Tơrĕk truh bơngai jĭ N.V.Đ, khul jang y tê̆ păng dôm anih jang kơpal hlôi chơ chă 4 'nu F1 păng 16 F2, tôm hlôi đei iŏk hơlen test renh păng đei pơkăp âm tĭnh. Dang ei tơdrong chơ chă dôm bơngai tơrĕk tơjê̆ hăm bơngai jĭ âu tŏk bŏk oei đei jang tơ̆ 3 apŭng Đức Trọng, Di Linh păng Đạ Huoai.

Lan chih păng pơre nơ̆r