VOV4.Bahnar - Năr 16/7, Dơnŏ anĭh vei lăng kon pơlei dêh char Lâm Đồng hlôi chĭh pơtrŭh hla bơar tĕnh koăng găh hơnơ̆ng jang kiơ̆ kơtang tang găn jĭ Covid-19 pơrăm lơ̆m dêh char.

Khŭl bơ̆ jang dêh char Lâm Đồng atŏk kơtang dăr lăng tang găn jĭ hăm bơngai vơ̆r gre, bơngai jang lơ̆m gre lơ̆m dêh char

Đei ƀôh 4 ‘nu bơngai tơpŏh jĭ Covid-19 đei ƀơm trŭh rim bơngai vơ̆r gre, bơngai jang lơm gre kơdau vĭh vơ̆t pơlei tơm HCM - Lâm Đồng, Dơnŏ anĭh vei lăng kon pơlei dêh char Lâm Đồng hlôi pơrô̆ athei Dơnŏ anĭh vei lăng trong nơnăm pơm tơm, vang iung jang hăm Dơnŏ anĭh vei lăng kon pơlei rim apŭng, pơlei tơm lơ̆m dêh char đei trong jang vă atok kơtang vei lăng bơngai vơ̆r gre, bơngai jang lơ̆m gre chơ tơmam drăm trong hơtăih hơnơ̆ng mơ̆t lĕch lơm dêh char. Atŭm hăm nŏh, Dơnŏ anĭh vei lăng kon pơlei dêh char athei Dơnŏ anĭh vei lăng trong nơnăm tơroi tơbăt ăn Dơnŏ anĭh jang găh gre chơ tơmam drăm jang kiơ̆ khăm hơlen SARS-CoV-2 ăn bơngai vơ̆r gre, bơngai jang lơ̆m gre 3 năr 1 ‘măng. Tơdăh dôm bơngai vơ̆r gre au ư̆h kơ đei hla bơar khăm SARS-CoV-2 ưh kơ đei ƀô̆h jĭ lei ư̆h kơ gơ̆h yak hlŏh hơnĭh gak tang găn jĭ Covid-19 jô̆ đơ̆ng tŏk bŏk măng năr dơning năr 18/7. Dơnŏ anĭh vei lăng kon pơlei dêh char Lâm Đồng jei athei Dơnŏ anih vei lăng trong gre nơnăm dêh char tĕng koăng krao akŏm, chĭh hơnăn dôm bơngai vơ̆r gre, bơngai jang lơ̆m gre chơ tơmam drăm lơ̆m dêh char vă đei trong jang ƀet bơ̆ng vaccine tang găn jĭ ăn dôm bơngai au.

Tơblơ̆ nơ̆r: Amazưt