VOV4.Bahnar - Pơgê năr 23/6, khŭl chĭh kơtơ̆ng ang rim hơnĭh jang chĭh kơtơ̆ng ang Trung ương păng tơring oei lơ̆m dêh char Lâm Đồng hlôi năm ƀet bơ̆ng vaccine tang găn jĭ Covid-19 jrŭm mă 1 tơ̆ Hnam pơgang tơm dêh char Lâm Đồng. Lơ̆m au đei 33 ‘nu bơngai găh rim hơnĭh chĭh kơtơ̆ng ang, Radiô rapor - Tivi Trung ương oei lơ̆m dêh char Lâm Đồng păng 55 ‘nu bơngai bơ̆ jang tơ̆ Radiô rapor-Pơbăh Tivi Lâm Đồng. Năr au, năr 24/6, khŭl kang ƀô̆, bơngai chĭh kơtơ̆ng ang Ƀăo Lâm Đồng hăm 47 ‘nu jei gô ƀet vaccine tang găn jĭ Covid-19 jrŭm mă 1 tơ̆ Hơnĭh tơm Dăr lăng jĭ jăn dêh char. 

Tơblơ̆ nơ̆r: Amazưt