VOV4.Bahnar - Kơsơ̆ năr 23/4, tơ̆ Hơnĭh tơmang pơ hiơ̆ Làng Nấm Đà Lạt, Dơnŏ anĭh vei lăng Jŏh ayŏ kơdŏ soang, Đă ƀong lŏng tơplŏng kơdau păng Tơmang pơ hiơ̆ dêh char Lâm Đồng hlôi pơgơ̆r dơ̆ng tơdrong pơkong ŭnh om sơ̆ kI kơ bơngai K’ho. ‘Nau jing mĭnh lơ̆m dôm tơdrong pơgơ̆r tơm lơ̆m Tơdrong pơgơ̆r Tơgoăt-pơtrŭt atŏk tơ iung tơmang pơ hiơ̆ ƀar păh Lâm Đồng hăm rim tơring lơ̆m tĕh đak.

Pơgơ̆r kiơ̆ dơ̆ng tơdrong pơkong kơ bơngai K'ho

Tơdrong pơgơ̆r tơdrong pơkong kră sơ̆ bơngai K’ho đei vang pơgơ̆r kơ kon pơlei bơngai K’ho apŭng Lạc Dương, khŭl tôn chĭng chêng kơ Hnam trương jăl ƀar pêng tĕh đak rong ‘me dêh char Lâm Đồng, Hơnĭh tơmang pơ hiơ̆ Làng Nấm Đà Lạt păng rim hơnĭh jang, rim bơngai jang tơmang pơ hiơ̆ rim dêh char pơlei tơm nhen: pơlei tơm Hồ Chí Minh, Bà Rịa Vũng Tàu, Đồng Nai, Bình Thuận, Khánh Hòa, Ninh Thuận păng Nghệ An. Tơ̆ au, tơdrong pơgơ̆r et kơ̆t jơ̆ng păng pơkong kơ bơngai K’ho đei pơgơ̆r kiơ̆ rok sơ̆, lơ̆m au tơdrong pơgơ̆r gĭt kăl ‘nŏh soi tơbĕh klơ̆m klak iĕr, tơbăt hơdăh ăn bre hơdrŭh tơdăm đei jing ŭnh om chom gŏ. Dôm tơdrong pơgơ̆r au đei pơgơ̆r tơ̆ gơmăng.

Tơblơ̆ nơ̆r: Amazưt