VOV4.Bahnar  – 'Năr brei (19/4), tơ̆ Hnam trưng Đăi hŏk Đà Lạt, Jơnŭm jang Tơbôl Việt - Lào dêh char Lâm Đồng, Anih jang găh tơdrong teh đak, Anih jang Đoan dêh char Lâm Đồng păng Hnam trưng Đăi hŏk Đà Lạt pơm lêh xơng Têt  Bunpimay kơ kon pơlei Lào păng pơm lêh iŏk tơgŭm đơ̆ng 21 unh hnam tơ̆ Lâm Đồng tơgŭm hăm 22 sinh viên Lào tŏk bŏk oei hŏk pơhrăm tơ̆ Hnam trưng Đăi hŏk Đà Lạt. Vanng năm akŏm lêh đei ƀok Vănxay Saysena – Phŏ Kơdră jang tang măt ăn teh đak Lào tơ̆ plei tơm Hồ Chí Minh păng dôm kang ƀô̆ juăt jang tơ̆ anih jang tang măt.

Tơdrong jang âu vă chĕp vei đon bơnôh tơguăt tơguăl păng kơhret tơdrong tơbôl đơ̆ng kon pơlei 2 teh đak Việt Nam - Lào pơma atŭm păng đơ̆ng kon pơlei dêh char Lâm Đồng hăm kon pơlei 2 dêh char Champasak păng  Bolykhamxay pơma adrô̆; atŭm hăm noh, pơm trong hiôk vă sinh viên Lào tŏk bŏk oei hŏk pơhrăm tơ̆ Hnam trưng Đăi hŏk Đà Lạt gơh xơng Têt juăt jue kơ kon pơlei Lào – Têt  Bunpimay lơ̆m tơdrong chơt hơ iă tơnŏ păng xơđơ̆ng; tơgŭm ăn đe sinh viên Lào đei trong hiôk vă akŏm pơma dơnuh, hơlen băt găh joh ayŏ, kon bơngai Việt Nam. 

Lan chih păng pơre nơ̆r