VOV4.Bahnar - Hăm tơdrong khăi che gom [o\ yuơ pơrang j^  Covid-19, hnam trưng Cao đẳng Y te# Lâm Đồng hlôi pơm tơle\ch che gom [o\ tong hăm đak hla rơhu\ng pơlôch xơmach axong ăn kang [o#, bơngai pơtho, sinh viên păng kon pơlei. Tơdrong jang kăp g^t âu đơ\ng hnam trưng hlôi tơgop hơto\k tơnăp hloh lơ\m tang găn pơrang j^ lơ\m tơpôl.

Je# 3 gie\ng kơ âu, đơ\ng mă pơrang j^ Covid-19 lang xă, rim kang [o#, bơngai pơtho, bơngai jang tơ\ hnam trưng Cao đẳng Y te# Lâm Đồng rim năr atu\m jơhngơ\m pơm tơle\ch che gom [o\ tang găn pơrang axong ăn hoh. Yư\k sih chuyên khoa I  Tăng Lê Quỳnh Trinh, Hnam trưng Cao đẳng Y te# Lâm Đồng ăn tơbăt: Âu jing kơloăi che gom [o\ hơ[ơ\l 5 tăl, lơ\m noh đei ngar tong pơgang hla rơhu\ng vă pơlôch xơmach. Tơmam tơm vă pơm tơle\ch che gom [o\ âu noh hla bar đe ‘măn bơ\ kơ[i tăh hla che (hlôi pai pơlôch xơmach) noh [ônh hach, ưh đei pơm ‘me# cham char: “Nhôn ‘meh tơgop jơhngơ\m hăm tơpôl vă tơjur [iơ\ tơdrong hiơ\r lang xă hăm pơrang j^ duh nhen tơgu\m ăn tơdrong pơm tơle\ch che gom [o\ da [iơ\ kơ tơxu\l tơxa\l. Nhôn ‘meh pơm tơle\ch đei lơ che gom [o\ hloh dơ\ng vă axong ăn kon pơlei”. 

{ok Trần Thanh Định – Pho\ Kơdră hnam trưng Cao đẳng Y te# Lâm Đồng ăn tơbăt, che gom [o\ tong hla rơhu\ng đei pơm tơle\ch io\k đơ\ng đê tai ho\k hơlen khoa học io\k hla rơhu\ng gơh hơmet hien, hơmet pơlo\ hơdrap păng hơmet trong dui jơhngơ\m. Đơ\ng ro\ng kơ đei tơbang găh pơrang j^ Covid-19, hnam trưng tơchơ\t pơm tơle\ch che gom [o\ păng đak pơgang ôp ti ‘măn yua lơ\m hnam trưng păng axong ăn hoh: “Mă blu\ng pơm tơle\ch hăm ti đe\ch, minh năr hnam trưng pơm tơle\ch đei 200 to\ che gom [o\ noh ưh kơ măh axong ăn bơngai yua. Dang ei hnam trưng hlôi ako\m đe thây kô păng răt kơmăi kăt, kơmăi ro\l vă hơto\k pơm tơle\ch lơ hloh. Hơpơi lơ\m khei năr truh nhôn gô axong đei lơ che gom [o\ kăl yua lơ\m tơpôl”.

Đơ\ng ro\ng keh đang tơchơ\t pơmt ơle\ch, truh dang ei, Hnam trưng Cao đẳng Y te# Lâm Đồng hlôi axong 2.000 to\ che gom [o\ tong pơgang ăn dôm anih jang lơ\m păng ‘nguaih kơ dêh char. Hnam trưng duh tơle\ch chih măt pơkăp găh kơ\l ‘ngok rơgei, pơkăl Anih tơm jang găh Kơ\l ‘ngok rơgei hơlen lăng păng axong [ăng tơdrong rơgei ăn Tơdrong pơm tơle\ch che gom [o\ tong pơgang hơ[ơ\l 5 tăl kơ po.

Duh tơ\ Lâm Đồng, atu\m hăm hnam trưng Cao đẳng Y te# Lâm Đồng, Hnam trưng Đăi ho\k Đà Lạt hlôi kơdih pơm tơle\ch đak pơgang ôp ti vă tang găn păng tơjră pơrang j^ Covid-19. Atu\m hăm noh ‘măn ăn tơdrong kăl yua đơ\ng kang [o#, bơngai pơtho păng sinh viên, Hnam trưng Đăi ho\k Đà Lạt hlôi axong ăn hoh kơ dôm hnam trưng ho\k păng anih jang hanh ch^nh tơ\ plei tơm Đà Lạt, atu\m hăm noh pơtho trong yua đak pơgang ôp ti ăn kon pơlei truh bơ\ hla bar hanh ch^nh âu to; tơgu\m ăn dôm hnam trưng ho\k hơmet xơng ho\k tro vih ho\k hơlơ\k dơ\ng.

Lan chih păng rapor